Sun’iy intellekt endi kelajak emas — u hayotimizga kirib keldi. Toshkentdagi Puchon Universitetida talabalar bozorni o‘zgartirishi mumkin bo‘lgan biznes-yechimlar yaratishdi. Bucheon Innovation Hackathon 2025 esa g‘oyalarni real startapga aylantirish maydoni bo‘ldi.
Birinchi prorektor akademik masalalar bo‘yicha Song You Jin ta’kidladi:
«Dunyo juda tez rivojlanmoqda va biz sun’iy intellekt davriga qadam qo‘ydik. Bu shunchaki tanlov emas, balki jamiyat uchun zarurat. Kelajakda inson va AI birgalikda ishlaydi, yanada ongli va samarali jamiyat yaratadi, deb ishonaman. Bunday tadbirlar ushbu kelajakga tayyorgarlik ko‘rishda juda muhim. Qiyinchiliklardan qo‘rqmang va yangi dunyoga jasorat bilan kirishga harakat qiling».
Bir kun davomida universitet texnologiyalar, g‘oyalar va jasoratli yechimlar maydoniga aylandi. Rejalar va rivojlanish bo‘yicha prorektor Dmitriy Li ta’kidladi:
«Bunday energiyaga to‘la auditoriyani ko‘rish juda yoqimli edi. Bugun xatolar bo‘lmadi — faqat iteratsiyalar va qimmatli tajriba mavjud edi. Talabalar faol muloqot qildi va jarayondan rohatlandi».
Hackathon formati jamoaviy ish va real yechimlarni qidirish atrofida qurildi: taymer, biznesdan mentorlar va zich jadval qatnashchilarni startaplar olamiga to‘liq sho‘ng‘itdi.
Elektron biznes kafedrasi mudiri, professor Ho Jinwon shunday dedi:
«Bu joy muhim savolga javob topish uchun maydon: sun’iy intellekt yordamida qanday qilib real biznes-masalarni hal qilish va kelajakni o‘zgartiruvchi qiymat yaratish mumkin. Universitet — xavfsiz tajriba o‘tkazish, xato qilish va rivojlanish mumkin bo‘lgan maskan. Bugun asosiy qahramonlar — siz, talabalar».
Birinchi daqiqalardan ish muhiti sezildi. Talabalar g‘oyalarni sinab ko‘rishdi, tadbirkorlar kabi fikrlashni o‘rganishdi va mahsulotning bozorda talab qilinish darajasini baholashdi. Muhim bo‘lgan hamma narsalar: innovatsionlik, amaliy qo‘llanilishi, biznes salohiyati va loyihani qisqa va aniq taqdim eta olish qobiliyati.
Hackathon koordinatori Nargiza Mirzabaeva shunday dedi:
«Bucheon Innovation Hackathon Puchon Universitetining tadbirkorlik fikrlashini rivojlantirish va raqamli iqtisodiyot uchun mutaxassislar tayyorlash strategiyasining bir qismi. 1-dan 4-kursgacha bo‘lgan talabalar AI-assistentlardan tortib, bank, marketing va biznes-analitika yechimlarigacha bo‘lgan MVP raqamli mahsulotlarni yaratishdi».
Talabalar o‘z taassurotlarini bo‘lishdi:
— «Bu ajoyib tajriba edi. Siz shunchaki o‘rganmadingiz, balki g‘oya mahsulotga aylanishini haqiqatan tushundingiz. AI bilan ishladik, biznes kabi o‘yladik, mentorlar bilan muloqot qildik — bu butunlay boshqa daraja».
— «Eng muhimi — xatolardan qo‘rqmaslik. Sun’iy intellekt — vosita, va hamma narsa undan qanday foydalanishingizga bog‘liq. Bunday format haqiqatan motivatsiya qilardi».
Puchon Universitetida ishonishadi: sun’iy intellekt davrida ta’lim o‘zgarishlarni kuzatib borish emas, bir qadam oldinda bo‘lishi kerak — va aynan shu yerda g‘oyalar real bo‘lish imkoniga ega bo‘ldi.