2026-yil 27-may kuni Toshkent shahridagi Puchon Universiteti hamda Koreya Respublikasining hamkor ta’lim muassasalari vakillari ishtirokida o‘zaro anglashuv memorandumi imzolashga bag‘ishlangan rasmiy marosim bo‘lib o‘tdi.
Uchrashuv davomida tomonlar akademik hamkorlik istiqbollari, qo‘shma ta’lim dasturlarini rivojlantirish, shuningdek oliy ta’lim sohasidagi xalqaro hamkorlikni kengaytirish masalalarini muhokama qildilar.
Memorandumning imzolanishi O‘zbekiston va Koreya Respublikasi o‘rtasidagi hamkorlik aloqalarini mustahkamlash yo‘lida muhim qadam bo‘lib, ikki davlat talabalari va professor-o‘qituvchilari uchun yangi imkoniyatlarni ochib beradi.