Toshken shahridagi Puchon universiteti huzuridagi Bolalik va maktab ta’limi markazida bitiruv marosimi bo‘lib o‘tdi. Bu — bolalar va ota-onalar uchun muhim hayotiy bosqich, “Maktab” deb nomlangan yangi bosqichning boshlanishi bo‘lgan alohida kun, ilk bitiruv bayramidir.
Kecha ular bog‘cha bolalari edi. Bugun esa katta ta’lim hayotiga ilk jiddiy qadamlarni qo‘ymoqda, Bu kun nafaqat bolajonlarning ilk yutuqlari, balki farzandlarining ulg‘ayayotganini faxr bilan kuzatayotgan ota-onalarning ilk hayajonlari.
Mamlakatlar va orzular bo‘ylab sayohat
Bayram dasturi Puchon universitetining majlislar zalini “Bolalik — Maktab” reysini amalga oshirayotgan ramziy samolyotga aylantirdi.
Bu bolalar uchun madaniyatlar, tillar va ijodiy yo‘nalishlar bo‘ylab haqiqiy sayohat bo‘ldi.
Sahnada Angliya, Turkiya, Koreya, Gruziya, sport va xoreografik chiqishlar, teatr sahnalari hamda bolalar rivojlanishining ko‘p qirrali tizimini aks ettiruvchi chiqishlar namoyish etildi.
Ingliz tili, sahna nutqi, xoreografiya, sport va ijodiy fanlar — bularning barchasi bolalarda ishonchli, ochiq va erkin fikrlaydigan shaxslarni shakllantiruvchi katta ta’lim jarayonining bir qismiga aylangan.
Eng muhimi — sahnada o‘zini ishonchli tutayotgan, erkin muloqot qilayotgan va iste’dodini namoyin etayotgan bolalar.
Bolalik rivojlanish tizimiga aylangan markaz
Bu kunda sahnadan nafaqat bitiruvchilarga, balki ustozlar, ota-onalar, talabalar va Toshken shahridagi Puchon universiteti fakultetlari vakillariga ham minnatdorchilik so‘zlari yangradi: maktabgacha ta’lim, psixologiya, ijtimoiy taminot, xalqaro yo‘nalish, yoshlar siyosati boshqarmasi va boshqa yo‘nalishlar.
Bu yerda bolalik shunchaki bosqich emas. Bu — har bir bolaga e’tibor, qo‘llab-quvvatlash va individual yondashuv beriladigan katta ta’lim tizimining bir qismi.
Allaqachon topshirilgan “imtihon”
Tashkilotchilar fikricha, ehtimol bolalar allaqachon eng muhim imtihonni topshirib bo‘lishgan.
Bu — samimiyat, jasorat va o‘z ikkinchi uyiga bo‘lgan mehr imtihoni.
Maxsus final — Puchon Kids madhiyasi
Bayramning eng yorqin lahzasi — Puchon markazining o‘ziga xos madhiyasi bo‘ldi.
Bolalar uni oldindan o‘rganib, ustozlari bilan mashq qilib, sahnada bir butun jamoa sifatida ijro etishdi.
Va bugun bu zal faqat birga kuylamadi — balki Puchonning katta, ahil oilasiga aylandi.
Bu lahza bayramning asosiy ramziga aylandi — bolalar, pedagoglar va ota-onalarning birligi ifodasi.
Maktab o‘quvchilarining ilk g‘alabalari
Bog‘cha bolalari xayrlashayotgan bir paytda, Puchon markazining birinchi sinf o‘quvchilari ularni yangi bosqichda — maktab hayotida kutib olishdi.
Sahnada tabriklar, faxriy yorliqlar va ilk o‘quv hamda ijodiy yutuqlar taqdirlandi.
Bu Toshken shahridagi Puchon universiteti tizimidagi uzluksiz ta’lim yo‘lining amaliy ifodasi bo‘ldi.
Ota-onalar fikri
Ota-onalar ko‘rganlari ularning kutganidan ham yuqori ekanini ta’kidladilar.
Ular bolalarning ishonchi, to‘g‘ri nutqi, mustaqilligi va sahnada erkin chiqish qobiliyatini alohida qayd etdilar.
Ko‘pchilik uchun bu bayram ortida pedagoglar va tarbiyachilarning ulkan mehnati turgani ayon bo‘ldi.
Endi boshlanayotgan yo‘l
Aynan shu yerda bolaning yo‘li shakllanadi — ilk qadamdan maktab cho‘qqilarigacha.
Qo‘llab-quvvatlash, g‘amxo‘rlik va har bir shaxsga hurmat muhiti ichida.
Bu yerda bolalarga eng muhimi — o‘ziga ishonch va ichki tayanch beriladi.
Eng asosiysi esa — bu yo‘l doimo yonida qo‘llab-quvvatlovchilar borligiga ishonch bilan boshlanadi.
Va demak, “Bolalik — Maktab” nomli ushbu reys o‘zining to‘g‘ri yo‘nalishini oldi.