Hurmatli BUT talabalari!

O‘zbekistonda koronovirus infektsiyasining tarqalishi sababli Toshkent shahridagi Puchon Universiteti masofaviy o‘qitish texnologiyalaridan foydalangan holda o‘quv jarayonini qayta boshlaydi.

• Masofaviy o‘qitishning boshlanishi 2020-yil 13- apreldan (dushanba).
• Masofaviy o‘qitish jarayoni:
  1. talabalarga matn shaklida o‘quv materiallari va uni o‘rganish bo‘yicha ko‘rsatmalar beriladi;
  2. agar kerak bo‘lsa, mavzuni mustahkamlash maqsadida qo‘shimcha onlayn manbalar ham taqdim etiladi;
  3. talaba berilgan dastur bilan mustaqil ravishda shug‘ullanadi;
  4. agar uy vazifasi berilsa, talaba uni o‘qituvchi tomonidan belgilangan vaqt mobaynida topshiradi.
• O‘quv materiallarini (www.but.uz/login) hamda uy vazifalari faylini yuklab olishingiz mumkin.
• O‘quv materiallari o‘qituvchi tomonidan belgilangan vaqt davomida taqdim etiladi. Belgilangan muddatdan so‘ng, o‘quv materiallari mavjud bo‘lmaydi.
• O‘quv dasturida hech qanday o‘zgarishlar yo‘q.
• O‘quv jarayoni 7-o‘quv haftasidan boshlanadi.
• Oraliq va Yakuniy nazoratlar to‘g‘risidagi ma'lumotlar keyinroq e'lon qilinadi.
• Agar sizda o‘quv jarayoniga taa’luqli savollar bo‘lsa, iltimos guruhingiz yetakchisi orqali o‘quv bo‘limi bilan bog‘laning.
• Agar sizda texnik muammolar yuzaga kelsa, iltimos, guruhingiz yetakchisi orqali axborot bo‘limiga murojaat qiling.

Hurmat bilan,

Toshkent shahridagi Puchon universitet ma’muriyati