Nam Viktor Veniaminovich

Aziz do'stlar,
Toshkentdagi Puchon universitetiga xush kelibsiz!

Mamlakatimizda Prezidentimiz sharofati bilan ta'lim sifati va yoshlar tarbiyasiga katta e'tibor qaratilmoqda. Universitetimiz o'z salohiyatini ro'yobga chiqarish va amaliy faoliyat uchun katta imkoniyatlar yaratadi.

Talabalar maktabgacha ta'lim, arxitektura, menejment, nutritsiologiya va axborot texnologiyalari sohalarida o'z karyerasini muvaffaqiyatli boshlash uchun barcha zarur bilimlarni olishlari mumkin.

Universitet professor-o'qituvchilarining 30 foizini Koreya Respublikasining Puchon universitetidan yuborilgan yuqori malakali mutaxassislar tashkil etadi. O'qituvchilar darslarning amaliy qismiga va talabalarning mustaqil ishlariga katta e'tibor qaratadilar.

Universitetda bitiruvchilarimizni ishga joylashtirish uchun tashkil etilgan “Karyera markazi” hamda Koreya Respublikasida amaliyot o'tash va o'qishni davom ettirish uchun talabalarga maslahat berish hamda tayyorlash bilan shug'ullanuvchi xalqaro bo'lim, shuningdek, o'z ilmiy faoliyatini davom ettirish niyatida bo'lgan xodimlar va talabalar uchun tashkil etilgan “Fan va innovatsiyalar markazi” faoliyat yuritadi.

Men sizni bilim va imkoniyatlar ummoniga sho'ng'ishga taklif qilaman! Bizning professional o'qituvchilar va xodimlar jamoasi Sizga nafaqat Oʻzbekistonda, balki butun dunyoda tan olinadigan eng yaxshi mutaxassis bo'lishingizga yordam beradi.

Eng yaxshi tilaklar bilan,
Nam Viktor Veniaminovich.